1,239 Бардыгы /

Тажикстанда Жогорку соттун чечими менен «Ишкобод» чек ара тозотуна кол салган жети киши 2 жылдан 27 жылга чейин соттолду.

Бул тууралуу 14-июлда Тажикстандын башкы аскер прокурору Икром Зоирзода билдирди. Ал кол салган кишилер Тажикстан жарандары экенин белгиледи.

Буга чейин Тажикстандын Жогорку сотунун төрагасы Шермухаммади Шохиён бул иш боюнча 9 кишиге айып тагылганын, сот жабык режимде өтөрүн билдирген.

2019-жылы 6-ноябрда белгисиз кишилер «Ишкобод» чек ара тозотуна кол салган. Расмий маалымат боюнча бир чек арачы жана бир милиция кызматкери мерт болуп,15 жоочу өлтүрүлгөн.

Кийинчерээк «Озоди» радиосу кол салуу учурунда беш чек арачы окко учканын жазган. Бийлик бул маалыматты тастыктаган да, төгүндөгөн да эмес. Тажикстандын Улуттук коопсуздук комитети тозотко кол салган 20 киши «Ислам мамлекети» тобунун мүчөлөрү экенин кабарлаган.

www.