1,245 Бардыгы /

Өзбек бийлиги Ташкент облусунун Зангиата районундагы медициналык тез жардам кызматынын жумушчуларына берилген бир жолку сыйакынын жарымын кайра кайтарып алды.

Июлдун аягында өзбек тектүү орусиялык миллиардер Алишер Усманов тез жардам кызматкерлерине сыйакы берүү үчүн Өзбекстанга 100 миллиард сум (10 миллион доллар) бөлгөн.

«Өткөн айдын башында «Усмановдон кайрымдуулук жардам» деп пластик карталарыбызга 4 миллион сумдан (400 доллар) которуп беришкен. Бирок эртеси эле кайра эки миллион сумун алып коюшту. Акчасын коротуп койгон кызматкерлерден эки миллион сумду августтагы айлыгынан кармап калышты», — деди аты-жөнүн билдиргиси келбеген тез жардам кызматынын фельдшери.

Райондук тез жардам кызматынын жумушчулары мекеменин жыйырмадан ашык кызматкери банк карталарына которулган акчанын жарымын кайтарып берүүгө аргасыз болушканын билдиришүүдө.

Зангиата райондук саламаттык сактоо башкармалыгынын өкүлү акчалай кайрымдуулук жардамды бөлүштүрүүдө ката кетип, айрым кызматкерлерге каралгандан көп акча төлөнүп калганын билдирди.

– 5-августта 155 кызматкерге бир жолку материалдык жардам берилген. Ошол эле күнү кечинде Саламаттык сактоо министрлигинен бул төлөмдөр кызматкерлердин эмгек акысына жараша берилиши керектиги жазылган документ келди. Ошондуктан жарым ставкада иштеген кызматкерлерден кайра 2 миллион сумдан алып, 32 миллиондон ашык каражатты кайра кайтардык», — деди башкармалыктын өкүлү.

Быйыл июль айында өзбек тектүү орусиялык миллиардер Алишер Усманов COVID-19га каршы күрөшүүгө жардам катары Өзбекстанга 100 миллиард сум (10 миллион долларга жакын) бөлүп берген. Бул каражат коронавирус жуктурган бейтаптар менен иштеген тез жардам кызматкерлерине бир жолудан сыйакы төлөп берүүгө коротулары кабарланган. Өзбек өкмөтү бул максатты Усмановдун каражатына кошумча мамлекеттик бюджеттен дагы 100 миллиард сум бөлгөн. ��
��
��
��
p�
`�
P�
@�
0�
 �
�


www.