3 Бардыгы /

Бүгүнкү күндө аялдар Кыргызстандын экономикасынын өнүгүшүнө зор салым кошуп, бизнес тармагында активдүү иш жүргүзүү менен жаңы жумуш орундарын түзүп жатышат.

2025-жылдын 11-январындагы №4 Кыргыз Республикасынын Мыйзамы менен «Ишкерлердин укуктарын коргоо жөнүндө» мыйзамга киргизилген өзгөртүүлөргө ылайык, өлкөдө алгач ирет «аялдар ишкердиги» түшүнүгү мыйзам түрүндө бекитилди. Ачык акционердик коом «Кепилдик фонд» аял ишкерлерди колдоону системалуу түрдө улантып келет. Бул тууралуу аталган фонддун коомчулук менен байланыш бөлүмү билдирди.

Фонд аларга финансылык ресурстарга жетүүгө жардам берип, өлкөнүн бардык аймактарында бизнесин өнүктүрүүгө өбөлгө түзүүдө.

2025-жылдын тогуз айынын жыйынтыгы

2025-жылдын январь–сентябрь айларында ААК «КФ» аялдардын бизнесин өнүктүрүү үчүн 440 кепилдик берген. Бул –берилген кепилдиктердин жалпы санынын 40%ын түзөт.

Жалпы кепилдик суммасы 369 млн. 053 миң сом болуп, бул аял ишкерлерге1 млрд. 527 млн. сомдон ашык насыя каражатын тартууга мүмкүнчүлүк берди.

Тармактык бөлүштүрүү

Айыл чарба – 64 %

Соода – 22 %

Транспорт – 4 %

Кызмат көрсөтүү – 3 %

Ипотека – 2 %

Туризм – 2 %

Өнөр жай – 2 %

Курулуш – 0,5 %

Айыл чарба продукциясын кайра иштетүү – 0,2 %

Берилген кепилдиктердин көлөмү боюнча туризм тармагы алдыңкы орунда турат –  90 млн. 299 миң сом.

Андан кийинки орундарда:

Соода — 82 млн. 816 миң сом;

Айыл чарба — 63 млн. 536 миң сом;

Өнөр жай — 58 млн. 594 миң сом;

Кызмат көрсөтүү — 55 млн. 779 миң сом;

Ипотека — 9 млн. 313 миң сом;

Транспорт — 7 млн. 482 миң сом;

Курулуш — 1 млн. 170 миң сом;

Айыл чарба продукциясын кайра иштетүү — 61 миң сом.

Ипотека тармагындагы колдоо

2025-жылдын май айында Кепилдик фонду «Келечек» аттуу жаңы ипотекалык продуктуну ишке киргизди. Аталган программа аркылуу азыркыга чейин тогуз аял өз турак жайын сатып алуу мүмкүнчүлүгүнө ээ болду.

Программанын максаты — жарандарга ипотекалык насыя алууда баштапкы төлөмү жетишсиз же жок учурда турак жай сатып алууга көмөк көрсөтүү.

Бүгүнкү күндө «Келечек» ипотекалык кепилдигин төмөнкү беш өнөктөш банктан алууга болот: «Айыл Банк» ААК, «Элдик Банк» ААК, «МБанк» ААК, «Дос-Кредобанк» ААК жана «Коммерциялык Банк КСБ» ЖАК.

Кепилдик алуу боюнча бардык суроолор үчүн 7500 кыска номерине чалыңыз же www.gf.kg сайтына кайрылыңыз.