774 Бардыгы /

Өлкөдө доллардын курсу кайрадан 80 сомго жакындады. Valuta.kg порталынын маалыматына караганда, Бишкектеги акча алмаштыруу бюролорунда орто эсеп менен 1 АКШ доллары 79,76 сомго сатылып, 79,41 сомго сатылып алынууда.

Улуттук банк 25-сентябрда бекиткен расмий курс боюнча доллар 79,3 сомду түздү.

Сентябрдан бери акча алмаштыруу жайларында доллар 1,5 сомго кымбаттады. Өзгөчө сонку күндөрү эл аралык валютанын куну кескин көтөрүлүүдө. Улуттук банк 23-сентябрда жалпысынан 11,2 миллион долларды валюта рыногуна чыгарды. Акыркы жолу банк 9-сентябрда интервенция жасап, 6,6 миллион доллар саткан.

Быйыл март жана апрель айларында коронавирус эпидемиясына байланыштуу карантин киргизилген маалда доллардын курсу 85 сомго чейин кымбаттап кеткен.

WWW.