1,143 Бардыгы /

ОШ. Республикалык педагогикалык кызматкерлердин кесиптик билимин жогорулатуу жана  кайра даярдоо институтунун директору Алмаз Токтомаметов жана ананы орун басары Алмаз Шергазиев Кара-Суу райондук билим берүү бөлүмүнүн башчысы Гүлайым Машрапованын атайын чакыруусунун негизинде Ош облусунун Кара-Суу районунун мектеп директорлоруна кызматтык ишине байланышкан эң бир зарыл нускамаларды беришип, анан дагы өздөрүнүн кесиптик билимдерин байытып келишти.

Аталган окуу ишине жалпы жонунан 180 мектеп жетекчиси катышышты. Жеринде өтүлүүчү курстардын биринчи этабында 68 мектеп директору, экинчисинде  64 мектеп директору, ал эми үчүнчү этабында 48  директорлордун окуу иштери боюнча орун басарлары заманбап билимдерди алышты. Ошентип, мугалимдердей эле мектеп жетекчилери – директорлор жана алардын окуу-0тарбия иштери боюнча орун басарлары беш жылда бир жолу 72 сааттык курстан өтүшүп, өзүнүн кесиптик билимдеорин дагы  жогорулатып турууга тийиш.

Баса, Түштүк жергисинде мектеп жетекчилеринин кесипкөйлүгүн арттыруу иштерин  Ош облустук билим берүү институту колго алган. Кара-Сууга билим кербенинен соң, Республикалык педагогикалык кызматкерлердин кесиптик билимин жогорулатуу жана кайра даярдоо институтунун  илимпоз-усулчулары мектеп жетекчилеринин кесиптик билимин жогорулатуу курстарын Кыргызстандын башка облустарында дагшы ырааттуу улантууну ниет кылышууда.

Алишер ТОКСОНБАЕВ, өз кабарчы