1,800 Бардыгы /

БАТКЕН. Үстүбүздөгү жылдын сентябрындагы Кыргыз-Тажик чек ара чырынан жапа чегишкен Баткен жана Лейлек райондорунун айрым мектептеринде  капиталдык оңдоп-түзөө жумуштары дагыле жүрүп жатат. Ошондуктан, бул аймакта окутуу дагыле онлайн форматында жүрүп жаткан маалы.

Лейлек райондук билим берүү бөлүмүнүн башчысы Улугбек Жээмуратовдун маалыматына караганда, райондо 66 мамлекеттик, 1 жеке менчик мектеп бар. Ушул тапта жеке менчик мектепти кошкондо 65 билим уясында окутуу офлайн режиминде гана жүрүп жатат: — Маселен, Максат мектебинде окутуу онлайн режиминде жүрүп жатат. Себеби: тажик агрессорлорду аталган мектептин бир каанасын жана коридорун өрттөп ийишкен. Ошондой эле мектептин эшиктери дагы талкаланган. Андыктан, капиталдык ремонт жүрүп жатат. Ошол себептүү балдар онлайн форматта окуп жатышат. «Төрт-беш эле  окуучу сабакка катышып жатат» дешкени кызылдай жалган! Мектеппте  230 окуучуокуйт.Учурда онлайн окууга 147 окуучу катышып жатат. Ал эми 40ка  жакын окуучу башка мектептерде окушууда. Себеби: Тажик агрессорлор миномёт менен аткылаганда, айылдын тургундары жакын жерде жайгашкан айылдарга качып, чыгып кетишкен.Алар туугандарына үйүнө барышып, баш калкалашкан. Ошондуктан көп балдарды ошол айылдагы мектептерге убактылуу тартканбыз. Ошого карсбатан калк арасында дагы толкундоо бар. Максат айылына келип иштегени менен элдин 50 пайызы кечке жуук коңшу айылдагы туугандарыныкына кетип калып атышат.

Ал эми Баткен райондук билим берүү бөлүмүнүн адиси Султан Жолдошовдун маалыматына таянсак, райондо 54 мектеп өз ишмердүүлүгүн ыраттуу түрдө жүргүзүп жатат.  Булардын арасынан 12 мектеп кырдаалга байланыштуу онлайн форматта окутушууда: – Ушул тапта бул мектептерде дагыле оңдоо-түзөө иштери кызуу жүрүп жатат. Анткени, агрессорлордун айынан ок тийгенден терезелери сынып, жараксыз кейипти кийген. Буюрса, эки-үч күндө ремонт аяктаса, окуучулар кадимкидей эле режимде окуп калышат.

          Баса, Баткен жергесиндеги аталган аймактардагы мектептердин кийинки акыбалын биз дагы туруктуу көзөмөлдөп турмакчыбыз…

Алишер ТОКСОНБАЕВ, өз кабарчы