1,803 Бардыгы /

          Өзгөн Эл аралык медициналык коллежи – Ош мамлекеттик университетинин дараметтүү бир тарамы. Ушул тапта мында 11-класстын базасында дарылоо иши, акушердик иш, ортопедиялык стамотология, профилактикалык стамотология, фармация, медициналык айым, физикалык терапия, ал эми 9-класстын базасында физикалык терапия адистиктерине кабыл алуу жараяны өтө кызыды.

          Гүлнара ЗАКИРОВА, Ош облусунун Өзгөн районундагы Кызыл-Тоо айылынын тургуну: – Неберелеримди – Айшоола Авазованы жана Аселя Рахманжанованы  ОшМУга караштуу Өзгөн Эл аралык медициналык коллежинин физикалык терапия адистигине тапшырттым. Экөө тең мени эч уят кылышпастан, абдан ийгиликтүү окуп кетишет ко деген терең ишеничтемин! Анткени, буга дейре дагы бир неберем Айжамал Чийбилова аталган окуу жайды мыкты аяктап, менин мээнетимди куп гана актап, ушул тапта абдан жакшы эмгектенип жаткан чагы.

          Айтмамат ЖАНУЗАКОВ, талапкер, Ош облусуна караштуу Кара-Кулжа районунун Кызыл- Жар кыштагынын жашоочусу: – Элеттен эми гана келдим. Ары-ойлонуп, бери толгонуп олтуруп, акыры ортопедиялык стамотология адситигин тандадым. Карасаңыз? Окуу жай заманбап технологиялар менен жабдылыптыр. Материалдык-техникалык базасы дагы абдан эле чоң экен. Мен дагы окууну бүткөндөн кийин Мекенимдин керегине куп жарап, тээ алыскы Алайкуу өрөөнүндө дал ушундай заманбап технология менен жабдылган ортопедиялык стоматология борборун ачууну ниттенип турамын.

          Элназар КАРИМБАЕВ, ОшМУга караштуу Өзгөн Эл аралык медициналык коллежинин кабыл алуу комиссиясынын техникалык катчысы:

– Документтерди кабыл алуу планын быйыл 443төн ашырбайбыз. Анткени, быйылкы окуу жылына 249 гана орун бош. Биздин окуу жайыбызга ошончо гана студент кабыл алышыбыз кажет! Ошентсе дагы. көрбөдүңүздөрбү, биздин окуу жайыбызга тапшыргандаро ого эле көп.

          Өзгөнбай СТАНБАЕВ, ОшМУга караштуу Өзгөн Эл аралык медициналык коллежинин директору, медицина илимдеринин кандидаты, доцент, Кыргыз Республикасынын медициналык коллеждер ассоцациясынын төрагасы:

– Окуу жайыбыз заман талабына жараша жапжаңы технологияларменен жабдылган. Анан дагы толук кандуу автоматташтырылган. Академиялык мобилдүүлүккө жараша студенттерибиз башка медициналык коллеждерде окуусуна дагы мүмкүнчүлүк жараткан элек. Жакында  жаштарыбыздын Европа мейкиндигине, мындайча айтканда, чет өлкөлөргө чыгуусуна дагы даңгыр жол ачылып олтурат. Ал эми биздин бүтүрүүчүлөрүбүз Ош облусунун Кара-Кулжа жана Өзөгөн райондорунда гана эмес, Орусия өңдөнгөн чет өлкөлөрдө дагы абдан эле ийгиликтүү иштеп жатышкан маалы.

          Баса, ОшМУнун Өзгөн Эл аралык медициналык коллежинин окуу имараты Өзөгөн жалпы жалпы дарыгерлер  практика борборунда жайланышкан. Интернет түйүнү Wi-Fi аркылуу акысыз. Ал эми студенттерге дасыккан окутуучулар гана сабак өтүп келатышат.

          Алишер ТОКСОНБАЕВ, өз кабарчы, Өзгөн шаары