579 Бардыгы /

ЖАЛАЛ-АБАД. Жалал-Абадда Р.Абдыкадыровдун амфитеатры курулуп, каражатына Жогорку Кеңештин депутаты Шайырбек Ташиев көмөктөшмөй болду.

Амфитеатр этно-комплекс улуттук колоритте жасалып, 200 адамга ылайыкташат. Мында залкар инсандын эстелиги орнотулуп, чыгармалары жаңырып турмакчы. Аталган жайда коноктор үчүн эс алууга бүт шарттар түзүлөт. Бул үчүн Жалал-Абад курортунан жер ажыратылган. Каражат жагы чечилсе, Ы.Абдыкадыровдун көзү тирүү кезинде айтылган керээзи ишке ашмай болуп турат.

Ы.Абдыкадыровдун этно-комплексин куруу залкар инсандын атын алып жүргөн клуб мүчөлөрү тарабынан көтөрүлүп, каражатына Жогорку Кеңештин депутаты Ш.Ташиев көмөктөшмөй болду. Шайырбек Ташиев Ы. Абдыкадыровдун биринчи даражадагы ардактуу ордени менен менен сыйланып, клубдун мүчөлүгүнө кабыл алынды.

Белгилей кетсек, Ы.Абдыкадыров клубу 1994-жылы ачылып, 30 жылда Эл аралык деген макам алды. Бүгүнкү күндө анын 1500дөн ашык мүчөлөрү бар.