1,209 Бардыгы /

ЖАЛАЛ-АБАД. Бүгүн, 29-мартта К.Ш. Токтомаматов атындагы Эл аралык университеттин (ЭАУ, Жалал-Абад шаары) жыйындар залында “SPRING FASHION – 2024” аттуу жазгы модалуу кийимдер коллекциясынын презентациясы өткөрүлдү.

ЭАУнун Кесиптик багыт берүү & коомчулук менен байланыштар кызматы билдиргендей, бул иш-чара ЭАУнун студенттердин мода үйү, гуманитардык-экономикалык колледжинин “Тигилген буюмдардын конструкцияланышы, моделдениши жана технологиясы” адистиги боюнча окутуучулары жана студенттери тарабынан даярдалган. Мода көрсөтүүгө, студенттерден сырткары, Жалал-Абад шаарынын заманбап кийим тигүүчү жана кийимдерди сатуучу ишканаларынын өкүлдөрү, башка жогорку жана орто кесиптик окуу жайлардан кесиптештер чакырылды. Презентациянын жүрүшүндө учурдагы модалуу кийимдер коллекциясы, моданын бул жылдагы өнүгүү багыттары, ЭАУнун модельер-конструкторлорунун модалуу кийимдер коллекциясы көросөтүлдү.

Иш-чара ЭАУнун Маданий-эстетикалык борбору, чыгармачыл студенттертарабынан даярдалган концерттик номерлер менен коштолуп турду.Аталган окуу жайда ушундай сезондук мода көрсөтүүлөр жыл сайын өткөрүлүп, студенттердин жана окутуучулардын зор кызыгуусун жаратат. Кийим тигүүчүлүккө кызыккандардын назарына:  ЭАУнун гуманитардык-экономикалык колледжинде “Тигилген буюмдардын конструкцияланышы, моделдениши жана технологиясы” адистиги боюнча сапаттуу жана заманбап кесиптик окуу жүргүзүлөт. Кош келиңиздер!