459 Бардыгы /

ЖАЛАЛ-АБАД. Бүгүн, 29-мартта Жалал-Абад шаардык кеңешинин кезексиз XXXIX сессиясы өттү.

Жалал-Абад шаардык мэриясынын маалымат борбору билдиргендей, сессияга шаардык кеңештин төрагасы Нуртилек Орозбаев, шаар мэри Эрнисбек Ормоков, депутаттар жана мекеме-ишканалардын жетекчилери катышты.

Күн тартибинде төмөнкү маселелер каралды: Жалал-Абад шаардык депутаттар кеңеши мекемесин кайра түзүү жөнүндө; Жалал-Абад шаарынын мэриясынын 2023-жылы аткарган иштери тууралуу маалыматын угуу; Жалал-Абад шаардык мэриясынын жобосун бекитүү жөнүндө; Жалал-Абад шаарынын мэриясы жана Жалал-Абад шаардык мамлекеттик статистика бөлүмүнүн ортосундагы келишимди бекитүү жөнүндө; муниципалдык менчиктеги эскилиги жеткен автобустарды жана жүк ташуучу автоунааларды сатууга макулдук берүү жөнүндө;

Жалал-Абад шаарынын аймагындагы жеке менчик жер тилкесинин укуктук зонасынын категориясын өзгөртүү жөнүндө; Жалал-Абад шаарынын Р.Азимов көчөсүндөгү №96 г дарегинде жайгашкан имаратты Жалал-Абад шаарынын мэриясынын муниципалдык менчик башкармалыгына өткөрүп алууга макулдук берүү жөнүндө; Жалал-Абад шаарынын муниципалдык менчик башкармалыгынын балансындагы жер тилкесиинин укуктук зонасынын категориясын өзгөртүү жөнүндө; Жалал-Абад шаардык депутаттар кеңешине штаттык бирдик кошуу жөнүндө,  мындан сырткары күн тартибине дагы 2 маселе сунушталды. Анда Түмөнбай Байзаков проспектисиндеги жер аянтын мамлекеттик мүлк фондусуна өткөрүп берүү жана  Түмөнбай Байзаков паркындагы Балдар ойноочу комплекстин тарифин бекитүү жөнүндө.

Сессиянын жүрүшүндө Жалал-Абад шаардык мэриясынын 2023-жылда аткарган иштери видеоролик аркылуу көрсөтүлүп, канааттандырарлык деп добуш берилди.

Күн тарбине коюлган токтом долблоорлору талкууга алынып, өзгөртүү-толуктоолор менен колдоп беришти.

Сессияда ар түрдүү маселелер да каралды. Анда эл өкүлдөрү таза суу, тазалык, маданият, тармагына байланышкан көйгөйлөрдү көтөрүштү. Кемчилдиктерди жоюу боюнча жеринде тиешелүү жетекчилерге тапшырмалар берилди.