21 Бардыгы /

Аксы районунун Сары-Челек айыл аймагына караштуу Мукур айылындагы Калмат Алымкулов атындагы орто мектепте Кыргыз Республикасынын Эмгек сиңирген артистти, ак таңдай төкмө акын Ысак Барпиевдин 90 жылдыгына карата эскерүү кечеси өттү.

Иш-чарада алгач Ысак Барпиевдин өмүр жолуна, чыгармачылыгына арналган видеослайт көрсөтүлдү. Андан соң Ысак Барпиевдин ырларынан көркөм окуулар болуп, ыр бийлер жаңырды. Салтанатка акын -жазуучу, Кыргыз Республикасынын Маданиятына эмгек сиңирген ишмер Абдымомун Калбаев, акындын иниси, замандашы Мамаш Кадыров, акындын уулу Уметалы Барпиев катышып, акын тууралуу ойлорун ортого салышып, чыгармачылыгы тууралуу кеңири сөз кылышты. Акынга арнап өмүр жолун чагылдырган дубал газеталар мында келгендердин көңүлүн өзүнө бурду. Мектептин мугалим Шахра Шерматованын акынга арналган чыгармасы катышуучуларды кайдыгер калтырган жок. Акындын өмүрүндөгү урунттуу жерлери мисалга келтирип, салтанаттын катышуучуларынын бүйүрүн кызытты. Акын тууралуу мектептин кыргыз тили жана адабияты сабагынын мугалими Гүлмайрам Калыбекова баяндама жасады. Мектептин окуучусу Албина Токтосунова менен Асема Сатыбаеванын төкмөнүн чыгармасын комуздун коштоосу менен эң уккулуктуу аткарышты. Окуучуларга терең тарбиялык мааниси бар акындын бул чыгармасы өзгөчө маанилүү болду. Мектептин окуучулары акындын чыгармаларынан көркөм окушуп, акынды окуп жатканын көрсөтө алышты. Салтанаттын акырында акын-жазуучу, акындын шакирти Абдымомун Калбаев, акын менен бирге иштешкен Маматжан Кадыров, төкмөнүн уулу Үмөталы Барпиев, мектептин директору Каныбек Токтоназаров чыгып сүйлөшүп төкмө акындын өмүрүнүн жана чыгармачылыгынын урунттуу учурларынан кеп козгоп беришти. Кезегинде окуучулар да акындын эмгек, жаратылыш, ата мекен жана лирикалык ырларын көркөм окуп беришти. Акынга арналган дубал газеталар, стенддер, чакырыктар мында келген меймандардын көңүлүн өзүнө бурду.

Абдымомун КАЛБАЕВ, Аксы району