3 Бардыгы /

Жалал-Абад шаарынын мэриясынын муниципалдык “Данек” балдар оюн-зоок борборунда шаардагы мүмкүнчүлүгү чектелген балдарга жана аз камсыз болгон үй-бүлөлөрдүн балдарынан жалпы жүздөй балага акысыз майрамдык маанай тартууланды.

Жалал-Абад шаардык мэриясынын маалымат борбору билдиргендей,

иш-чарага Жалал-Абад шаарынын мэринин орун басары Гүлбарчын Таштанбекова, Жалал-Абад шаардык депутаттар кеңешинин төрагасы Орозбек Турдубеков, ата-энелер жана балдар катышты.

Иш-чаранын алкагында Улуттук Кызыл Ай коомунун өкүлдөрү, “Элим барсыңбы Жалал-Абад” коомдук кайрымдуулук фонду, “Азык Ордо” жоопкерчилиги чектелген коому, “Келечек” жабык акционердик коому, “Двойняшки” кондитердик фабрикасы жана “НУР” ачык акционердик коому тарабынан балдар үчүн жаңы жылдык белектер берилди.