57 Бардыгы /

Кечээ, 8-апрелде К. Ш. Токтомаматов атындагы Эл аралык университеттин (ЭАУ, Жалал-Абад шаары) чоң жыйындар залында “Кыргызстан тарыхы” сабагы алкагында 1941-1945-жылдардагы Улуу Ата Мекендик согуштагы жеңиштин 80 жылдыгына карата “Эч ким, эч нерсе унутулбайт!” аттуу викторина оюну өттү.
ЭАУнун Кесиптик багыт берүү & коомчулук менен байланыштар кызматы билдиргендей, аталган викторина “Филологиялык билим берүү” багыты, “Англис тили” профили боюнча студенттер үчүн философия жана табигый илимдер кафедрасынын башчысы, тарых илимдеринин кандидаты, доцент Нуржамал Сасалимовна Мырзабаева тарабынан уюштурулган.
Викторина оюнунун алкагында Улуу Ата Мекендик согуш темасында фото-видео материалдар, сахналаштыруулар көрсөтүлүп, ошол мезгилдеги ырлар жана бийлер аткарылды. Катышуучулардын жана көрүүчүлөрдүн пикири боюнча аталган викторина оюну жогорку уюштуруучулук деңгээлде өтүп, абдан кызыктуу болду.