3 Бардыгы /

Өлкө башчыбыздын тапшырмасына ылайык, 1-сентябрдан тартып, жол эрежесин бузган айдоочулар токтотулуп, жеринде жол эрежесин сурамжылоо иштери жүргүзүлүт. Такыр жооп  бере албаган айдоочулар кайрадан сынак тапшырышы мүмкүн.                                        
ЖКККББнын басма сөз кызматы билдиргендей, бул тапшырмага ылайык,  ИИМдин Жол кыймылынын коопсуздугун камисыздоо башкы башкармалыгы айдоочулар үчүн жол эрежесин камтыган сурамжылоо папкасын иштеп чыгып, айдоочуларды сурамжылоону азыртадан баштады.
Анын алкагында айдоочуларга жол кыймылынын эрежелери эскертилип, күнүмдүк жолдо кездешүүчү жол белгилери көрсөтүлүп, үйрөтүлүүдө. Бул ыкма айдоочулардын айдоо маданиятын жакшыртып, жоопкерчиликтерин жогорулатканга жакшы өбөлгө болууда. Ошондой эле айдоочуларга жол кыймылынын эрежелерин камтыган китепчелер таратылды.
Эскерте кетсек, талдоонун негизинде катталып жаткан жол кырсыктарынын 91 пайызы айдоочулардын күнөөсү менен коштолуп, буга чейинки сурамжылоонун алкагында 70 пайыз айдоочулар жол эрежелерин  толук кандуу билбегендиги аныкталган.