24 Бардыгы /

Ушул жылдын 7-апрелинен тартып ОшМУнун филология жана маданияттар аралык коммуникация институтунда өтүп жаткан Илим жумалыгына карата «Жашыл келечек жумалыгы» башталды.

Аталган жумалык «Жогорку билим берүүдө туруктуу өнүгүү» аттуу тандоо курсунун жыйынтыктоочу иш-чарасына багытталып уюштурулуп келатат. Иш-чаранын тушоо кесүү  аземине ОшМУнун Тоо экосистемаларын коргоо жана жашыл инновациялар боюнча консалтинг борборунун директору Абдыжапар Аккулов, аталган иинституттун директору Олжобай Шаимкулов, директордун илимий иштер боюнча орун басары Венера Сабирова, профессордук-окутуучулук курам жана студенттер катышышты.  Були ш-чарага Академиялык мобилдүүлүк боюнча Анжиян мамлекеттик чет тилдер институтунан келген окутуучулар, студенттер дагы конок сыңары чакырылды.

Ошентип, филология жана маданияттар аралык коммуникация институтунун англис тилинин фонетикасы жана грамматикасы кафедрасынын башчысы Бактыгуль Тургунбаеванын айтымында, ОшМУда дагы студенттерге туруктуу өнүгүү боюнча атайын курстар бар. Анда эмнелер окутулаары айтылды.

–  «Жогорку билим берүүдө туруктуу өнүгүү» тандоо курсунда студенттер туруктуу өнүгүү концепциясы менен кең-кесири  таанышып, экологиялык, социалдык жана экономикалык көйгөйлөрдү түшүнүү жөндөмдүүлүктөрүн дагы ого бетер өстүрүшөт. Жыйынтыгында ар жылы «Жашыл демилгелер жумалыгы» өткөрүлөт. Анда студенттер тандоо курсунан алган билимдерин жыйынтыктап, атайын долбоорлорду жана стартаптарды жазышып тушоо кесүү  дагы жасашат, – дейт ОшМУнун филология жана маданияттар аралык коммуникация институтунун англис тилинин фонетикасы жана грамматикасы кафедрасынын башчысы Бактыгуль Тургунбаева.

Баса, ОшМУдагы «Жашыл демилгелер жумалыгы» ушул жылдын 12-апрель күнү  аяктап, жыйнтыгы чыгарылып, жеңүүчүлөргө кызыктыруучу жана баалуу сыйлыктар тапшырылат.

Алишер ТОКСОНБАЕВ, өз кабарчы