57 Бардыгы /

Кечээ, 24-апрель күнү аталган мектептин имаратында Кыргыз Республикасынын Улуттук Коопсуздук Мамлекеттик Комитетинин Жалал-Абад облустук башкармалыгынын кызматкери, полковник Бакытбек Асановдун ысымын ыйгаруу

аземи болуп өттү.

Жалал-Абад шаардык мэриясынын маалымат борбору билдиргендей, иш-чарага Жалал-Абад шаарынын мэринин орун басары Гүлбарчын Таштанбекова, Жалал-Абад шаардык кеңешинин депутаттары, шаардык билим берүү бөлүмүнүн башчысы Ырысбек Калчаев, мугалимдер,

окуучулар жана Бактыбек Асановдун жакындары, кесиптештери катышты.

Иш-чарада Гулбарчын Таштанбекова Бакытбек Асановдун мекен үчүн

жасаган эрдиктерин эскерип, эгемендүүлүктүн алгачкы

жылдарынан баштап өлкөнүн коопсуздугу үчүн оор кырдаалдарда акниеттүүлүк жана берилгендик менен 20 жылдан ашуун убакыт кызмат өтөгөнүн белгилеп, эмгеги жана эрдиктери эч качан унутулбай тургандыгын кошумчалады.

Ал эми иш-чарада сөз сүйлөгөн Асановдун ата-энеси уулунун элесин өчүрбөй анын ысымын билим берүү мекемесине ыйгаргандыгы үчүн Жалал-Абад шаарынын мэриясына жана Жалал-Абад шаардык депутаттар кеңешине терең ыраазычылыктарын билдиришти.