27 Бардыгы /

«Мейкин Азия» фестивалынын баш байгесин румыниялык аткаруучу Мария-Диана Стынчуляша жеңип алды. Ага 8000 доллар байге берилет. Бул тууралуу Маданият министрлигинен билдиришти. 
Биринчи орунду мекендешибиз Урмат Сатыбалдиев жеңип алды. Белгилүү болгондой, ал 6 миң долларлык сыйлыкка ээ болду. Жеңүүчү калыстар тобунун жогорку баасына татыган аткаруусу менен көпчүлүктүн купулуна толду.
Экинчи орунду төмөнкү катышуучулар бөлүштү:
– Виталий Дроб (Беларусь Республикасы),
– Камир (Кыргызстан),
– Кира Гоголадзе (Россия).
Үчүнчү орунга татыктуу деп табылган катышуучулар:
– Полина Тасева (Түндүк Македония),
– Едже Аса (Түркия),
– Тулкан Таджиев (Өзбекстан).

Белгилей кетсек, “Мейкин Азия” эл аралык музыкалык фестивалынын жалпы байге фонду 20 миң доллар. Бул тууралуу маданият, маалымат жана жаштар саясаты министри Мирбек Мамбеталиев билдирген.

Анын айтымында, фестивалдын баш байгесинин ээсине 8 миң доллар ыйгарылат. Биринчи орун үчүн 6 миң, экинчиге 4, үчүнчүнү алган адамга 2 миң доллар берилет.

«Жыл сайын фестивалдын деңгээли өсүп жатат. Быйыл Кыргызстан А класстагы сертификат алат. Бул өткөрүлүп жаткан иш-чаралардын деңгээли Евровидениеге тең келгенин билдирет», — деди министр.

WWW,