3 Бардыгы /

Бүгүн, 15-октябрда К.Ш. Токтомаматов атындагы Эл аралык университеттин (ЭАУ, Манас ш.) 1-курста билим алган жаштарына студент наамын ыйгаруу салтанаты өткөрүлдү.

ЭАУнун Кесиптик багыт берүү &коомчулук менен байланыштар кызматы билдиргендей, ар бир студент үчүн эң алгачкы жана маанилүү майрамы катары студент наамын ыйгаруу салтанаты болуп эсептелет. Расмий бөлүгүндө университеттин ректораты 1-курс студенттерин алгачкы студенттик майрамы менен куттуктап, алардын өкүлдөрүнө символикалык билим ачкычын, студенттик билетти жана сынак китепчесин тапшырды. “ЭАУнун 1-курсунун студенттерин студент наамынын ыйгарылышы менен чын жүрөктөн куттуктайбыз жана окуусунда ийгиликтерди каалайбыз!” -деп ректорат тараптан куттуктоолор айтылды.

Андан кийин ЭАУнун Маданий-эстетикалык борбору майрамдык концерт тартуулады. Концертте окуу жайдын чыгармачыл студенттери шаңдуу ырларды, улуттук жана заманбап бийлерди, учкул тамашаларды тартуулашты. Жалпысынан аталган салтанат окуу жайдын мыкты салттарында өткөрүлдү.