18 Бардыгы /

2025-жылдын 18-октябрь күнү Ала-Бука районунун Ы.Чаңгылов атындагы №5 жалпы орто билим берүүчү мектебинде “Санарип мугалим-жаңы муунду дүйнөлүк атаандаштыкка даярдоочу устат” деген темада информатика предметинен семинар болуп өттү.

Семинарга райондук билим берүү бөлүмүнүн жетектөөчү адиси Б.Акпаралиев, адис К.Атаханов жана райондун информатика мугалимдери катышты. Семинарды райондук билим берүү бөлүмүнүн жетектөөчү адиси Б.Акпаралиев жана мектептин директору Сапарбек Токтогулов ачып беришип, семинардын жүрүшү менен тааныштырды. Мектептин мугалимдери тарабынан санарип билим берүү, жасалма интелект боюнча көркөм бөлүгү көрсөтүлдү. Мектептин информатика мугалими Батырбек Орозбаев тарабынан “Информатика предмети жана учурдун талабы” деген темада окутууда  сервердик тармактын пайдалануу технологиясы көрсөтүлдү.

Балдардын логикалык ой жүгүртүүсүндө МКТ (маалыматтык коммуникациялык технологиянын) ролу жана башка предметтер үчүн колдонулушу боюнча башталгыч класстын мугалим Айгерим Маралова проектордо, Жазгүл Ашурова телевизордо, Мырзайым Сейталыева интерактивдүү доскада, математика мугалими Дариха Ильясова проектордо, биология мугалими Гулдана Куватова проектордо, англис тили мугалими Гулзина Самиева интерактивдүү доскада сабактарда жасалма интелекти пайдаланууну жана сайддар менен иштөө  технологияларын көрсөтүп беришти.

 Ошондой эле электрондук китепканада иштөө программалары менен таанышышты. Компьютерлерди интернетте туташтыруу жолдору да талкууланды. Бул боюнча райондук “Кыргызтелеком” ачык акйионердик коомунун адиси-оператор Афтандил Шералиев маалымат берди.

Райондук информатика предметинин секция жетекчиси Зиёдхон Атаходжаев информатика боюнча предметтик олимпиаданы өткөрүүдө жаңы технологияларды пайдалануу ыкмасын түшүндүрүп, мугалимдер менен талкуу өткөрдү. Ошону менен бирге мектептеги техникалык базанын чыңдалышы, компьютерлердин мугалимдердин сабактарда жогорку деңгээлде пайдалануусун белгиледи.

Иш чаранын жыйынтыгында “Санарип мугалим-жаңы муунду дүйнөлүк атаандаштыкка даярдоочу устат”деген темада өткөрүлгөн семинар эң жогорку деңгээлде өткөрүлгөндүгү белгиленди.

Маалыматты даярдаган:    Сапарбек ТОКТОГУЛОВ, мектеп директору