39 Бардыгы /

ОШМУда БИЛИМ САПАТЫ ТЕКШЕРИЛИП, АККРЕДИТАЦИЯЛОО ЖАРАЯНЫ ЖЫЙЫНТЫКТАЛДЫ

          Ош мамлекеттик университетинде билим берүүнүн сапаты текшерелип, бул өңүттөгү программаларды аккредитациялоо жараяны жыйынтыкталды. 

Атайын баалоо билим берүү сапатын кепилдөөчү көз карандысыз EdNet агенттиги тарабынан жүргүзүлдү. Аталган аккредитациянын алкагында бакалавриат, специалитет жана магистратура деңгээлдериндеги бир катар багыттар текшерүүдөн өткөрүлдү. Атап айтканда, туризм, химия, бизнести башкаруу (бакалавриат), колдонмо геодезия (специалитет), ошондой эле тарых, мамлекеттик жана муниципалдык башкаруу, психология (магистратура) программалары оң бааланды. Жараяндын жүрүшүндө эксперттер окуу план-программаларын, материалдык-техникалык базаны, илимий-изилдөө иштерин жана кызыкдар тараптар менен өз ара байланышты дагы комплекстүү карап чыгышты.

Ошентип, аталган аккредитация билим берүү программаларынын сапатын, алардын заманбап стандарттарга, эмгек рыногунун талаптарына шайкештигин аныктоо максатында гана уюштурулуп келатат.

Алишер ТОКСОНБАЕВ, өз кабарчы