6 Бардыгы /

Манас шаардык мэриясынын “Ариет” балдар чыгармачылык борборунда “Балдардын сынагына сынбайсыңбы?”-аталышындагы жолугушуу кечеси өткөрүлдү.

Манас шаарынын мэриясынын маалымат борбору билдиргендей, аталган кеченин кезектеги коногу «Ариет» чыгармачылык борборунун ардагер мугалими жана көркөм өнөрчүлүк ийриминин жетекчиси, коомдук активист Дилбар Бекназарова болду.

Жолугушуу учурунда чакырылган конок өзүнүн турмуштук тажрыйбасы, ийгилик сырлары менен бөлүшүп, окуучулар менен ачык баарлашуу жүргүздү. Ошондой эле суроо-жооп бөлүгү уюштурулуп, катышуучулар өздөрүн кызыктырган суроолорго жооп алууга мүмкүнчүлүк түзүлдү.

Аталган долбоордун демилгечиси, чыгармачылык борбордун директору Жыпар Аманкулованын айтымында бул иш-чара окуучуларды коомдо өз ордун тапкан, ийгиликке жетишкен инсандар менен тааныштырып, алардын өмүр жолу, эмгеги жана жетишкендиктери аркылуу жаш муунга дем берүү максатын көздөйт. Ошондой эле окуучулардын ой жүгүртүүсүн кеңейтүүгө, максат коюуга, өзүнө болгон ишенимин арттырууга жана окуучулар менен мугалимдердин ортосундагы мамилени чыңдоого, өз ара түшүнүшүүгө көмөк көрсөтөт.