10,340 Бардыгы /

Жеткинчек» балдар бакчасынын директору
К.М. Жапаркулова

Кары сөзүн айтылган капка сакта.
Кары сөзү алтында сырын ачса.
Тарбиячы адам тап пейли кенен.
Уул-кызын дени сак өсөт экен –
деп улуу ойчул даанышман Жусуп Баласагын айтып кеткен экен. Ошол сыңары ар бир адам баласы дүйнөгө келгенден эле тарбияга жана тарбиячыга өтө муктаж болот эмеспи.
Балдарды тарбиялоодо өтө кылдаттык менен мамиле жасоо керек. Аксы районуна караштуу Кербен шаарындагы №1 “Жеткинчек” мектепке чейинки билим берүү уюму эң алдыңкы бакчалардан болуп эсептелет. Анда 245 бала тарбияланат. Бакчанын директору Жапаркулова Касиет Меймановна көптөгөн грамоталардын ээси, эл агартуунун отличниги, дайыма коллективде ынтымактуулукту жөнөкөйлүктү каалап келет. Негизи, бакчада баардык жактан шартты түзүп турган бакчанын директору К.М. Жапаркуловага ата-энелер, кызматкерлер терең ыраазы болушат. “Балдар-биздин келечегибиз”. Биз жүрөгүбүз менен ар бир баланы тарбиялашыбыз керек . Ар бир балага сабаттуу тарбия беришибиз керек .
Балдар жаш өзгөчөлүгүнө карап мектепке чейинки балдарды тарбиялоонун базистик программасы менен тарбияланат. Бакчада алты тайпа, жети тарбиячы бар. Алар б.ж.т Чыныкеева А, Ниязбекова М 1-кенже тайпада Адираимова Т,
II-тайпада Калдыбаева Б, орто тайпада Жанышева, жогорку тайпада Уметова А, мектепке даярдоо тайпада Акпаралиева Р. Бир жарым жаштан алты жашка чейинки балдар тарбияланат. Бакчада 25 кызматкер эмгектенет. Алты тайпаны мектепке даярдоо тайпасы орусча тарбияланат, калган беш тайпа кыргызча тарбияланат. Балдарды медициналык кароодон да өткөрүп турат. Ар бир баланын ден-соолугуна көз салып турган Жоробаева Мээрим эже өзүнүн кабинетинде дары дармеги менен даяр турат. Балдарга тамак ашын даярдаган эң жакшы ашпозчулар эмгектенишет. Алар:
Кутманова Н, Жолдошева Ж, Х Нурдиновалар.
Бакчада мектепке даярдоо тайпасында эмгектенген тарбиячы Акпаралиева Рыскан Узакматовна райондук көп жылдык үзүрлүү эмгеги жана жаш муундарды окутуп тарбиялоодогу жетишкен ийгиликтери үчүн ардак грамотасы, бакчанын жетекчилиги профсоюз тарабынан үлгүлүү эмгектенгендиги , балдарга татыктуу тарбия бергени үчүн грамота менен сыйланган. Бакча ичинде кадыр барктуу тарбиячыга ар бир ата-эне ыраазы.
Акпаралиева Р.У 2013-жылы тарбиялаган балдарын мектепке узатууда көптөгөн жетишкендиктерге жетишти. Балдарды мектепке узатуу кечесин аябай жогорку даражада уюштурган. Ар бир тайпанын сабактарына керектелүүчү сүрөттөрдү да аябай жакшы тарткандыктан тарбиячыларга чоң жардамын берүүдө.
Жыйынтыгында №1” Жеткинчек” мектепке чейинки билим берүү уюмунун ураанын айта кетпесек болбос.
Талыкпастан балдарга билим беребиз,
Татыктуу болуп, элин учун кызмат кыл.
Үйрөтөбүз окуу- билим, илимди
Тарбиялап келечекке кийинки.

Маалымат даярдаган Узакматов Максатбек .

“Жеткинчек» балдар бакчасынын тарбиячысы
Р.У. Акпаралиева