2,408 Бардыгы /

ЖАЛАЛ-АБАД. Белгилүү акын, жазуучу, журналист Абдымомун Калбаевдин жаңы китеби окурмандарга тартууланды.

 Кыргызстан жазуучулар, журналисттер союзунун мүчөсү, акын, жазуучу, журналист, Эл аралык  “Арча” сыйлыгынын лауреаты жана акын-жазуучу Ашым Жакыпбеков атындагы адабий сыйлыктын ээси

Абдымомун Калбаевдин “Чабылбай калган күлүк” аттуу жаңы китеби жарык көрдү. Китеп Бишкек шаарындагы “Турар” басмаканасынан басылып чыкты.

“Китеп жакшы жазылыптыр, чыгарып берели деп басманын башкы директору Тилек Мураталиев, “Өмүр-фарым” фирмасынын директору Гүлмира Туманбаева жана өзүмдүн иним Адылбек демөөрчү болуп чыгарып беришти. Демилге көтөргөн ини- карындаштарыма ыраазылык билдирем”,- дейт акын-жазуучу А.Калбаев.

А. Калбаевдин “Карышкырлар улуганда” аттуу новелласы Азербейжан республикалык “Каспий” адабий көркөм журналына азербейжан тилинде жарык көрүп, журналдын 30 миңден ашык окурмандарына сунуш болду. Чыгарма журнал бетине  азербейжандык акын-жазуучу Вагиб Айдар углунун котормосунда жарыяланган.

Белгилей кетсек, ал Карышкырлар улуганда» , «Аксы жерим алтын бешигим», «Күлүк», «Мээр чөптүн гүлү», «Туурга конгон туйгун» сыяктуу жыйырма 24 китептин автору.

“Аймак” гезитинин жамааты да агайыбыз Абдымомун Калбаевге куттук айтып, бекем ден соолук, үй-бүлөлүк бакыт жана чыгармачылыкты ийгиликтерди каалайт.

“Аймак”