1,209 Бардыгы /

ЖАЛАЛ-АБАД. Жалал-Абад шаарындагы К.Ш. Токтомаматов атындагы Эл аралык университеттин Эл аралык медициналык колледжинде бүтүрүүчү курстар үчүн жыйынтыктоочу сынактар башталды. Бул тууралуу ЭАУнун карьера жана бүтүрүүчүлөрдү ишке жайгаштыруу борбору маалымдады.

К.Ш. Токтомаматов атындагы Эл аралык университеттин (ЭАУ, Жалал-Абад ш.) Эл аралык медициналык колледжинде “Медициналык айым иши”, “Акушердик иш” жана “Фармация” адистиктери боюнча бүтүрүүчү курстар үчүн жыйынтыктоочу мамлекеттик сынактар жүрүп жатат.Биринчи сынактарда эле мамлекеттик сынак комиссиясынын мүчөлөрү аталган колледждин бүтүрүүчүлөрүнүн билиминин жогорку деңгээлин белгилеп кетишти. Ага бул колледждин профессор-окутуучулар курамынын жана окуу жараянынын жогорку сапаты, жаңы материалдык-техникалык база негиз болууда. ЭАУнун эл аралык медициналык колледжи 2016-жылы түзүлүп, алгачкы талапкерлерди кабыл алуу 2017-жылы башталган. Биринчи орто кесиптик медициналык билими бар бүтүрүүчүлөрү 2020-жылы аякташкан. Бул жылкылары бүтүрүүчүлөрдүн экинчи мууну. Учурда аталган колледжди 136 студент аяктоодо.

“Бардыгына жыйынтыктоочу сынактарды ийгиликтүү тапшыруусун жана эртеңки кесиптик ишмердикте албан-албан ийгиликтерди каалайбыз!”,- дейт ректорат.

Белгилей кетсек, “Дарылоо иши” адистиги боюнча экинчи бүтүрүү сынактары окуу мөөнөтүнө ылайык кыш мезгилинде өткөрүлөт.