2,487 Бардыгы /

ОШ. Ош шаарындагы жогорку окуу жайлар ортосунда өткөрүлгөн “Элдер достугу” аталышындагы маданий фестивалда Ош мамлекеттик педагогикалык университетинин (ОшМПУ) командасы башкы орунду ээледи.

Аталган саамалык бул ирет Ош шаардык жаштар иштери боюнча комитети жана “Вместе мы – сила” коомдук фонду тарабынан уюштурулган. Фестивалга Ош мамлекеттик педагогикалык университетинин “Жапонияга жумушка орноштуруу” борборунун студенттери катышып, жапон элинин маданиятын, улуттук өзгөчөлүктөрүн сахнада кеңири чагылдырышты. Ар улуттун нарк-насилин жана маданиятын даңазалап, элдердин достугун бекемдөөгө багытталган бул иш-чарада ар бир окуу жай өздөрү тандап алган улуттун маданиятын көрсөтүшүп, катышуучулар өз чыгармачылыктарын тартуулашты. Иш-чара эстрада жылдыздарынын дагы катышуусунда өтүп, абройлуу инсандардан куралган атайын калыстар тобу дагы дайындалган.

Ошентип, “Элдер достугу” фестивалынын жыйынтыгында комиссиянын чечими менен өзгөчө даярдык менен катышкан ОшМПУнун командасына 1-орун ыйгарылып, атайын дилпом жана 15 миң сом акчалай сыйлык менен сыйланышты.

 Алишер ТОКСОНБАЕВ, өз кабарчы