1,269 Бардыгы /

БАТКЕН. Баткен облусу боюнча 10-11-класстар арасында «Окурман окуучу» аттуу китеп окуу сынагы өткөрүлдү. Иш-чара Төлөгөн Касымбековдун «Сынган кылыч» романы жана Чыңгыз Айтматовдун «Ак кеме» повестинен негизинде жүрүп, буга 249 мектептен 3 миңден ашык окуучу катышышты.

Аталган долбоор Кадамжай «Семетей» лицейинин бүтүрүүчүлөрү тарабынан каржыланып, жалпы бюджети 850 миң сомду түздү. Жыйынтыгында Лейлек районунун Достук орто мектебинин окуучусу  Айнура Жулдиева, Баткен шаарындагы Баткен облустук гимназия-жатак мектебинин окуучусу Жасмина Кумарбек кызы, Кадамжай шаарындагы Б. Айтматов орто мектебинин окуучусу Акмөөр Ибраимова жана Кызыл-Кыя шаарындагы Темир Иметов орто мектебинин окуучусу Альбина Ботобаева Дубайга жолдомо утуп алышты.

«Окурман окуучу» аттуу китеп окуу сынагынын уюштуруучулардын айтымында, Дубайга бешинчи жолдомо облустун мыкты мугалими деп табылган Кыргыз Республикасынын эмгек сиңирген мугалими Гапыр Мадаминовго ыроолонду. Ал эми сынактын калган катышуучуларына дагы баалуу белек-бечкектер тапшырылды.

Алишер ТОКСОНБАЕВ, өз кабарчы