1,305 Бардыгы /

ЖАЛАЛ-АБАД. К.Ш. Токтомаматов атындагы Эл аралык университеттин (Жалал-Абад ш., ЭАУ) Үзгүлтүксүз ачык билим берүү институтунун, Гуманитардык-экономикалык колледжинин жана Эл аралык медициналык колледжинин бүтүрүүчүлөрүнө арналган “Ак жол сага, бүтүрүүчү-2022!” салтанаты өткөрүлдү.

ЭАУ Кесиптик багыт берүү жана коомчулук менен байланыштар кызматы билдиргендей, окуу жайдын бүтүрүүчүлөрүн ЭАУнун илимий иштер боюнча проректору, п.и.к., профессор Төлөгөн Теңирович Омошев, тарбия иштери боюнча проректору, филол.и.к., профессор Анвар Сатышевич Жолдошбаев, Гуманитардык-экономикалык колледждин директору, э.и.к., доцент Калбек Абдысейитович Райымкулов жана Эл аралык медициналык колледждин директору, доцент Эркин Кочкорович Абданбаев куттукташып, эртеңки кесиптик ишмердигинде албан-албан ийгиликтерди каалашты.Салтанаттын жүрүшүндө ЭАУнун Маданий-эстетикалык борбору директору Мухтар Гайымовдун жетекчилигинде майрамдык концерт тартуулады. Концерттин көркүн ачкандар: Жалал-Абад областтык филармониясынын ырчылары Гүлгүнай Жумабекова, Нурбек Шамуратов, университеттин таланттуу студенттери Али Нурсейитов, Абдурахим Тотонов ж.б., анын ичинде бий топтору. Бүтүрүүчүлөр салтанаты дискотека, кызыктуу оюндар жана салют атуулар менен аяктады. Бүтүрүүчүлөр майрамдык иш-чаранын жогорку деңгээлде уюшулганын, концерттик программанын мазмундуулугун, чыныгы майрамдык маанайда өткөндүгүн баса белгилеп кетишти.

WWW.