1,395 Бардыгы /

Яндекс Go салык төлөө үчүн  «КНС – чет өлкөлүк уюмдардын кеңсеси» системасында катталган биринчи сервис болуп калды.
Буга чейин сервистин комиссиясынан КНС жергиликтүү компаниялар тарабынан төлөнүп келген, муну салык кызматынын статистикасы да айгинелеп турат. Үстүбүздөгү жылдын башында Салык кодексине өзгөртүүлөр киргизилип, ага ылайык, Кыргызстандын аймагында электрондук түрдө кызмат көрсөткөн чет элдик компаниялар салык органдарына каттого турушу жана өз алдынча тапкан кирешесинен КНС төлөшу шартталат. Ушул максатта июнь айында «КНС – чет өлкөлүк уюмдун кеңсеси» бирдиктүү системасы пайда болду, эми ал аркылуу резидент эмес компаниялар электрондук негизде жана аралыктан отчет берип, салыктарды төлөй алышат.
«Биз Кыргызстандын салык органдарынын өкүлдөрү менен дайыма байланышта болуп турабыз. Алар менен салык салуунун заманбап ыкмаларын, дүйнөлүк тажрыйбаны эске алып, жалпы тармактын ачыктыгын жогорулатууну да талкуулайбыз. Алардын жаңы системасы дал ушундай чечимдин катарына кирет: андагы катталуу тез арада өтөт, процесс ачык жана ал аркылуу өткөн төлөмдөрдү көзөмөлдөө оңой жана натыйжалуу болот. Башка резидент эмес компаниялар да бизден үлгү алып, бул жаңычылыктын ратыйжалуулугун баалайт деген үмүттөнөбүз», — деди «Яндекс Такси» компаниясынын КМШдагы өнүктүрүү боюнча директору Кирилл Свинцов.