1,140 Бардыгы /

ОШ. Августтун алгачкы күндөрүнөн тартып Кыргызстандын Түштүк башкалаасындагы жети муниципалдык аймактык башкармалыгында социалдык дүкөндөр кадимкидей ишке киришти. Бул туурасында Ош шаардык мэриясынан сүйүнчүлөштү.

 Буга дейре Ош шаарынын мэри Алмаз Мамбетов бардык муниципалдык аймактарда социалдык дүкөндөрдү ачууну абдан катуу тапшырган эле. Аталган долбоордун негизги максаты – калктын өтө муктаж катмарына эт жана сүт азыктарын базар баасынан 10 пайызга төмөн сатып алууга шарт жаратуу.

Ошентип, мыйзам чегинде Ош шаардык ветеринардык инспекциясы тарабынан жапжаңы азыктарды алып келүүчү тараптарды тандоо дээрлик аяктады. Социалдык дүкөндөрдөгү азык-түлүктөрдүн сапатын ветеринардык инспекция мындан ары туруктуу көзөмөлдөмөкчү.

Алишер ТОКСОНБАЕВ, өз кабарчы