1,200 Бардыгы /

          БАТКЕН. Баткен облусундагы Кара-Бак айыл Өкмөтүнө караштуу Зардалы айылы акыры интернетке туташтырылды. Бул жөнүндө «Кыргыз Интернет Коому» уюмунан кабарлашты. Були ш-чара ЮНИСЕФ уюмунун атайын долбоорунун алкагында жүзөгө ашырылды.

– Зардалыда «Кыргыз Интернет коому» адегенде күн панелин орнотуп, ал айылдын чакан мектебин электр жарыгы менен дагы камсыз этип келатат. Бул окуучулардын райондук, же шаардык мектептер, мекемелер менен такай байланышта болуп, сапаттуу, заманбап билим алуусуна гана өбөлгө жаратып олтурат. Мындан тышкары бүт айылды, керек болсо кошуна айылдарга чейин дагы электр жарыгы менен камсыз кыла алат. Ошондой эле түрдүү кырдаалда райондук борбор менен түз байланышта боло алышат, – деп коршумчалады «Кыргыз Интернет Коому» уюмунуну өкүлү.

2020-жылы «Ошэлектр» ишканасы Зардалы электр энергиясы менен камсыз болоорун шардална кылган эле. Анда 10кВ жогорку чыңалуудагы узундугу 10 чакырым зым тартылаары айтылган.

Баткен районунун эң алыскы, анан дагы шарты абдан катаал Зардалы айылына машина менен барган жол жылына төрт-беш ай гана ачык болот. Жергиликтүү эл негизинен тоо кыркасын бойлоп, кооптуу чыйыр жол менен жөө-жалаё катташат. Аталган кыштакта бир башталгыч мектеп бар жана жүздөй гана туруктуу адам жашайт.

Алишер ТОКСОНБАЕВ, өз кабарчы