657 Бардыгы /

БУЛАК-БАШЫДАГЫ КЫРДААЛДАН УЛАМ КЫРГЫЗ-ТАЖИК ЧЕК АРА БАШЧЫЛАРЫ ЖОЛУГУП ЖАТЫШАТ

          БАТКЕН.  Кыргызстандын Чек ара кызматы Тажикстан менен чек арадагы Булак-Башы аймагында ушул тапта кырдаал чыёалып тургандыгын ачыктады. Окуя болгон тилкеде Кргызстандын мамлекеттик Чек ара кызматынын Баткен облусундагы башкармалыгынын жетекчиси Кыялбек Төлөнбаев менен Тажикстандын Чек ара кызматынын Согдий облусундагы өкүлү Хикматулла Пираков менен жолугушуп жатышат.

Ушул тапта Кыргыз чек арачылары арасында жараат алгандар, жаапа чеккендер жок. Чек ара кызматы ок атышууну токтотуу жана чыңалган кырдаалды жөнгө салуу үчүн бардык чараларды көрүп жаткан чагы. Мунун алдында президенттин Баткендеги ыйгарым укуктуу өкүлү Абдыкарим Алимбаев ок атышууну токтотуу, кырдаалды жөнгө салуу тууралуу Согдий облусунун башчысы менен сүйлөшкөндүгүн билдирген.

Ал эми Кыргызстандын Чек ара кызматынын билдиришинче, 14-сентябрда эртең менен Булак-Башыдагы тактала элек аймакка (“Капчыгай” чек ара бекетинин аймагы) Тажикстандын “Кех” бекетинин чек арачылары куралчан кирип келишкен. Кыргыз чек арачыларынын чыгып кетүү талабына баш ийбегендиктен, Кыргыз тарап эскертүү иретинде асманга үч жолу ок аткан. Ошол замат ортодо атышуу башталган. Кыргыз тараптын билдиришинче, “Тажик чек арачылары миномет” дагы колдонгон. Тажикстандагы Өкмөттүк “Хобар” маалымат агенттиги өлкөнүн Чек ара кызматына шилтеме кылып, “Кыргыз чек арачылары биринчи ок чыгаргандыгын, кошумча күч жана каражат алып келгенин” жазды. Булак-Башы аймагында чек арада соңку ирет ушыл жылдын 14-июнь күнү таңга жуук ок атылган. Буга байланыштуу тараптар дагыле бири-бирин күнөөлөгөн. А түгүл Тажик тарап бир жараны жараат алгандыгын жар салган. Булак-Башы айылы Тажикстандын Кыргызстандагы Ворух анклавы менен чектешкен аймакта жайланышкан. Ворухтан тышкары Кыргызстанда бул өлкөнүн Кайрагач деген анклавы дагы бар.Тажикстан соңку чек ара чатагы тууралуу маалымат бере элек.

Кыргызстан менен Тажикстандын ортосунда жалпысынан 972 чакырым чек ара тилкеси бар. Мунун 664 чакырымы гана такталган. Чек ара дагыле тактала электигине байланыштуу Кыргыз-Тажик чек арасында тынымсыз жаңжал чыгып турат.

Алишер ТОКСОНБАЕВ, өз кабарчы