1,071 Бардыгы /

ЖАЛАЛ-АБАД. Облустук жыйындар залында кургак учукка каршы tbc.kg бирдиктүү санариптик платформасын жайылтуу максатында маалыматтык жыйын болуп өттү.

Жыйынга Жалал-Абад шаарынын мэринин орун басары Гулбарчын Таштанбекова, облустук саламаттык сактоонун координатору Замира Орунбаева жана мекеме ишканалардын жетекчилери катышты. Анда “Доор” коомдук фондунун өкүлү Вячеслав Гончаров tbc.kg маалыматтык порталы тууралуу маалымат берди.

Жалал-Абад облусу кургак учукка каршы tbc.kg бирдиктүү санариптик платформасы активдүү колдонулган пилоттук облустардын бири. Бул бир нече функцияларды бириктирген уникалдуу ресурс экендигине токтолду. Алар:

– Калкты кургак учук жөнүндө ишенимдүү жана ар тараптуу маалымат менен камсыз кылуу;

– Колдонуучулар үчүн жеңил навигация менен кургак учуктун диагностикасы жана дарылоо кызматтарын көрсөткөн Кыргызстандагы бардык медициналык уюмдар жөнүндө маалымат;

– Кургак учуктан жабыркаган адамдарга Кыргыз Республикасынын мыйзамдарына ылайык жергиликтүү бийлик органдарынан жардам алууда колдоо көрсөтүү;

– Кургак учуктан жабыркаган адамдарга ар кандай кызматтарды көрсөткөн уюмдар жөнүндө маалымат. Кызмат ошондой эле чечим кабыл алуучуларга кургак учуктун диагностикасын жана дарылоону сапаттуу жүргүзүү үчүн медициналык уюмдарды жабдууда кандай көйгөйлөр бар экенин түшүнүүгө жардам берет.

Платформа облуста жана шаарда ыйгарым укуктуу өкүлчүлүгүнүн жана шаардык муниципалитеттин колдоосу менен активдүү ишке ашырылууда.

Элиза АКЖОЛТОЕВА