690 Бардыгы /

          ОШ. Кыргызстандын Түштүк башкалаасына заманбап жапжаңы санитардык полигон курулат. Бул туурасында Ош шаардык Кеңешинин кезектеги сессиясында Ош шаарынын вице-мэри Сонунбек Жунусбаев шардана кылды.

Сонунбек Жунусбаевдинайтымында, азыркы полигондун жанына жаңы жана заманбап санитардык полигон курулат. Анын пландалган аянты 24 гектарды түзөт.

-Биз 5 жылдан бери башка жактан, шаардын четинен жер издештирип жүргөнбүз. Бирок, ылайыктуу жер таппай, азыркы жердин жанына куруу чечими кабыл алынды. Иш-чаралар ЕРӨБдүн (ЕарАзия Өнүгүү Банкынын) атйын долбоорунун алкагында гана жүргүзүлөт. Ушул тапта даярдык жараяны кызуу жүрүп жатат. Бирок, азыр иштеп аткан полигонду рекультивациялоону Европа стандартына ылайык жүргүзүү зарыл. Андан кийин гана ал жабылат. Андан ары алдын ала долбоор даярдалгандан кийин европалык стандартка ылайык жаңы санитардык мыкты полигонду куруу иштери башталат, – деп кошумчалады Ош шаарынын вице-мэри Сонунбек Жунусбаев.

          Ош шаарынын жетекчилиги кыйла жылдан бери сөз жүзүндө мындай полигондордун далайын курушту го. Эми бул полигон ишке киргизилгенде эле ишенбесек…

Алишер ТОКСОНБАЕВ, өз кабарчы