Аймак

ОБЛУСТА МАЛ УУРУЛУКТАРЫНЫН АЛДЫН ИШТЕРИ ЖҮРҮҮДӨ

ОБЛУСТА МАЛ УУРУЛУКТАРЫНЫН АЛДЫН ИШТЕРИ ЖҮРҮҮДӨ

 831 Бардыгы /

ЖАЛАЛ-АБАД. Жалал-Абад ОИИБдин 3-чейректин ыкчам кызматтык ишмердүүлүгүнүн жыйынтыгын чыгарган кеңешмеде мал уурулуктарынын алдын алуу иштерин күчөтүү талабы коюлган.

Жалал-Абад ОИИБдин басма сөз кызматы билдиргендей, мал уурулуктарынын алдын алуу иштерин күчөтүү талабына байланыштуу дем алыш күндөрү мал базар болгон аймактарда профилактикалык жумуштар жүргүзүлдү.

Сузак, Ала-Бука жанаТогуз-Торо райондорунун тартип сакчылары милициянын көчмө кабылдама унаасында аймактарды кыдырышты. Жергиликтүү тургундарды талаада малдарын кароосуз калтырбай, ар дайым көзөмөлдөө керектигин эскертишти. Мал талаада кароосуз калгандыктан уурулардын кылтагына оңой илинип калып жаткандыгы баса белгиленди. Айрыкча чек арага жакын аймактарда малдарды кароосуз калтыруу кооптуу экендиги айтылды.

Милиция кызматкерлери мал уурулуктарга бөгөт коюу максатында чыгарылган атайын эскертүү баракчаларын таркатышты. Анда төмөнкүлөр камтылган:

– жайлоодо жана жайыттарда мал жандыктардын кароосуз калтырылышына жол бербеңиздер.

– мал сарайларга, короолорго кулпу салып, түн ичинде электр жарыктарын жандырып коюңуздар.

–  өзүңүздөрдүн менчик малдарыңыздарга атайын ээн белгилерин жана бирка бастырып коюңуздар.

– жайлоого мал кошкондо малчы-чабандар менен келишим (договор) түзүп алыңыздар.

– мал жандыкты сатууда сөзсүз түрдө айыл округунан жана ветеринардан тактама (справка) алыңыздар.

– айыл тургундары шектүү адамдарга, келип кеткен автоунааларга өзгөчө көңүл буруңуздар.

– мал базарларда мал сатып алууда этият болуңуздар. Мал жандыкты сатып алуу үчүн керектүү бардык документтерди (айыл округунан, милициянын тактамасын, (справка) жана мал доктурдун күбөлүгүн) талап кылыңыздар.

– жайлоодо же айылда кароосуз жүргөн мал жандыктарды көрсөңүздөр тезинен айыл өкмөт, айыл башчыларга  билдириңиздер.

– малдар жаз жана күз мезгилдерде кароосуз (кайтаруусуз) калат, ошондуктан ирээти менен кезүүлөрдү уюштуруңуздар.

–  малдарды талаага аркандап же тушап кароосуз таштап салбаңыздар.

–  жолдун четинде кароосуз жүргөн малдар көп өлүп, авто жол кырсыктарына дуушар болгондо, малдын ээлери автоунаага кеткен чыгымды жана жабыркаган атуулдардын чыгымын төлөп калышыңыздар мүмкүн болгондуктан түнкүсүн мал жандыктарды кароосуз калтырбаңыздар, милдеттүү түрдө мал жандыктардын мойнуна жарыктарды чагылдыруучу (светоотражающий) ленталарды байлаңыздар.

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17