1,218 Бардыгы /

КЫРГЫЗ РЕСПУБЛИКАСЫНА ОРУСИЯ ФЕДЕРАЦИЯСЫНАН КЕЗЕКТЕГИ АЗЫК-ТҮЛҮК ЖАРДАМЫ КЕЛДИ

Бишкек –Кыргыз Республикасына Орусия Федерациясынан кезектеги азык-түлүк жардамы келди. Бул салым өлкө боюнча жамааттарга маанилүү инфратүзүмдү калыбына келтирүү, климаттын өзгөрүүсүнүн кесепеттерин азайтуу жана мектептерде ысык тамак берүүбоюнчадолбоорлору аркылуу жардам берет.

1,950.7 тонна азык-түлүк (1,890 тонна байытылган ун жана 60,7 тонна өсүмдүк майы) Бишкек жана Ош шаарындагы БУУнун Дүйнөлүк азык-түлүк программасынын кампасына жеткирилет. Азык-түлүк болжолу менен 12600 үй-бүлөгө азык-түлүк коопсуздугун жогорулатуу үчүн өлкө боюнча БУУ ДАТП тарабынан колдоого алынган долбоорлорго катышкандыгы үчүн берилет. Долбоорлор ирригациялык тармактарды жана таза суу тутумдарын калыбына келтирүүнү; табигый кырсык тобокелдиктерди азайтуу үчүн бак отургузууну жана дарыянын жээгин бекемдөөнү; айылдык көпүрөлөрдү жана дренаждык тутумдарды курууну; жашоо каражаттарын жана айыл чарбасын жүргүзүүнүн алдыңкы ыкмаларын өнүктүрүү үчүн потенциалды чыңдоо боюнча окутууларды камтыйт.

2022-жылы Орусия Федерациясынан жардам катары келген 3 495 тонна азык-түлүкаялуу үй-бүлөлөрдү колдоо максатындаөлкөнүн булуң-бурчундагы БУУ ДАТПнын долбоорлоруна катышкандарга таратылган, анын ичине Баткендеги сентябрдагы чек ара кагылышуусунан кийин эвакуацияланган кишилерге көрсөтүлгөн гуманитардык жардам да камтылат.

Максаттуу аялуу үй-бүлөлөр 150 кг байытылган буудай ун жана 15 литр өсүмдүк майын жергиликтүү инфратүзүмдү калыбына келтирүүгө жана климаттын өзгөрүүсүнө байланыштуу кырсыктардын тобокелдигине калктын туруктуулугун жогорулатууга багытталган 500дөн ашуун коомдук долбоорлордун бирине катышкандыгы үчүн алышат. Бул долбоорлор элет жериндеги жамааттардын инфратүзүмдөрүн өркүндөтүп, табигый кырсыктарга жана климаттык тобокелдиктерге дуушар болгон аймактардагы кырсыктардын кесепеттерин азайтуу мүмкүнчүлүгүн бекемдеп, ошондой эле алардын жумушка орношуу жана жеке ишкердүүлүк мүмкүнчүлүгүн кеңейтет.

Орусия Федерациясы БУУ ДАТПнын Кыргыз Республикасындагы эң ири донору болуп саналат. Акыркы 10 жылдын ичинде Орусия Федерациясынын Өкмөтү БУУ ДАТП аркылуу Кыргыз Республикасынын жарандарына өнүгүү жана социалдык коргоо жаатында ар кандай деңгээлде колдоо көрсөтүп келет. БУУ ДАТП жана Орусия Федерациясы Кыргыз Республикасында калктын аялуу катмарын колдоо боюнча биргелешкен күч-аракеттерин улантышат.

#                      #                            #

Дүйнөлүк азык-түлүк программасы жөнүндө толук маалымат алуу үчүн Алмаз Чороевге кайрылыңыз, 0550 577 597, almaz.tchoroev@wfp.org

БУУнун Дүйнөлүк азык-түлүк программасы өзгөчө кырдаалдарда өмүрлөрдү сактап, чыр-чатактардан, табигый кырсыктардан жана климаттын өзгөрүүсүнөн жабыркаган адамдарга туруктуу келечек курууга жардам берген дүйнөдөгү ири гуманитардык уюм.

Бизди https://www.facebook.com/WorldFoodProgrammeKyrgyzstan/, https://www.instagram.com/wfp_kyrgyzstan коомдук медиадан тапсаңыз болот.