1,389 Бардыгы /

БАТКЕН. Баткен шаарында Баткен коогалаңынын 23 жылдыгы белгиленип, ара чолодо каза тапкандарга куран дагы окутулду.

Аталгган иш-чарага президенттин Баткен облусундагы ыйгарым укуктуу өкүлү Абдикарим Алимбаев баштаган мекеме-ишканалардын жетекчилери, коогалаңдын катышуучулары, каза тапкандардын үй-бүлө мүчөлөрү жана дагы шаар тургундары катышты.

Эскерүү иш-чарасы адегенде эстеликке гүлчамбар коюу менен башталып, Баткен облусунун башчысы Абдыкарим Алимбаев Баткен коогалаңын кайгыруу менен эскерип, каза тапкан жарандардын элеси түбөлүккө сакталып, эрдиктери баа жеткис экендигин баса белгиледи. Андан соң курман болгон жоокерлерге багышталып куран дагы окулду.

Белгилей кетчү жагдай: Баткен облусунун аймагына өтькөн кылымдын 1999-жылы экстремисттик уюмдардын куралдуу тобу кол салып, ага жалпысынан 400дөн ашык киши катышып, коогалаңда 53 киши курман болгон.

Алишер ТОКСОНБАЕВ, өз кабарчы