1,698 Бардыгы /

ЖАЛАЛ-АБАД.  Жалал-Абад облусунда милиция кызматкерлери жаш өспүрүмдөр арасындагы кылмыштуулукка каршы тынымсыз профилактикалык иштерди жүргүзүп келүүдө.

Жалал-Абад ОИИБдин басма сөз кызматы билдиргендей, Сузак районунун ички иштер бөлүмү тарабынан «Өспүрүм түн» иш-чарасы өткөрүлүп, кечинде себепсиз көчөдө жүргөн балдар текшерүүгө алынды. Рейддин жүрүшүндө15 баланын үстүнөн комиссияга материал жөнөтүлдү. Кыргыз Республикасынын Укук бузуулар жөнүндө кодексинин 102-беренесинин (ата-энелик милдеттерден качуу) негизинде13 баланын ата-энесине протокол толтурулду.

Мындан сырткары Жалал-Абад, Майлуу-Суу шаарларында, Базар-Коргон жана Аксы районунда милиция тарабынан «Антирекет» иш-чарасы өткөрүлдү. Анда мектеп окуучулары менен жолугушуулар уюштурулуп, жогорку класстардын балдарына кылмыштуулуктун арты жакшылык менен аяктабай тургандыгы эскертилди. Өзгөчө кыздарга зомбулуктун курмандыгы болуп калбаш үчүн сак болуу керектиги айтылды.

Ал эми Чаткалдагы С.Байдөөлөтов атындагы инновациялык мектебинде “Кылмыштуулуктун алдын алуу” аттуу марафон уюштурулду. Анда жогорку класстардын окуучулары 3км аралыкка жүгүрүп, жеңүүчүлөр баалуу белектер менен сыйланышты.