882 Бардыгы /

ОШ ШААРЫНЫН ТУРГУНУ ӨЗГӨЧӨ КЫРДААЛ МИНИСТРЛИГИНЕ 1 МИЛЛИОН СОМДУК КУТКАРУУ ШАЙМАНДАРЫН ТАРТУУЛАДЫ

ОШ.  Ош шаарынын тургуну Шумкар Пазылов Өзгөчө кырдаалдар министрлигинин Ош шаардык башкармалыгына 1 миллион сомго сатылып алынган “Универсалдык авариялык-куткаруучу гидротехникалык шаймандардын” төрт комплектин белек сыңары тартуулады.

Өзгөчө кырдаалдар министрлигинен тастыкташкандай, заманбап шаймандардын жогорку өндүрүмдүүлүгү, мобилдүүлүгү, жеңил салмагы жана дагы абдан ыңгайлуулугу менен куткаруучулардын иштерине чоң салым кошоору шексиз.

• Урматтуу куткаруучулар, Сиздер ар кандай оор кырдаалда өз

өмүрүңүздөрдү тобокелчиликке салып, башкалардын өмүрүн дагы сактап келатасыздар! Өтө кооптуу учурда биздин өмүр Сиздердин ыкчам аткарган жумушуңуздардан түздөн-түз көз каранды. Андыктан, Сиздердин мээнетиңиздерди баалап, ар дайым кесибиңиздерге терең урмат-сыйымды билдирем! – деди Ош шаарынын катардагы тургуну Шумкар Пазылов.

Белгилей кетчү жагдай: жогорудагы атайын шаймандардын эки даанасы Баткен облусунун куткаруучуларына дагы жөнөтүлөт.

Алишер ТОКСОНБАЕВ, өз кабарчы