978 Бардыгы /

ОШ. Кыргызстанда быйылкы кышта электр энергиясы таптакыр өчүрүлбөйт. Бул жөнүндө Ош электр тармактар ишканасынын жетекчиси Эмилбек Ысманов кабарчыбызга билдирди.

Эмилбек Ысмановбыйыл Токтогул суу сактагычында суунун көлөмү былтыркыга салыштырмалуу абдан көп экендигин кошумчалап, ошондуктан.  электр жарыгын берүүдө чектөө киргизүүнүн зарылчылыгы жок экендигин дагы туюндурду.

– Былтыр кыш мезгилине 11,8 миллиард метр куб суу менен киргенбиз. Быйыл Токтогул суу сактагычында 13 миллиард 644 миллион  куб суу бар. Бул өткөн жылга салыштырганда абдан жакшы көрсөткүч! Бирок, нормага дагы деле жете элекпиз, тартыштык бар. Ошондой болсо дагы кыш мезгилинде электр энергиясын колдонууга чектөө киргизилбейт! – депр ишендирди Ош электр тармактар ишканасынын жетекчиси Эмилбек Ысманов.

Белгилей кетчү жагдай: өлкөбүздө норма боюнча электр энергиясын үзгүлтүксүз берүү үчүн 18 миллиард метр куб суу керектелет.

Алишер ТОКСОНБАЕВ, өз кабарчы