1,233 Бардыгы /

Урматтуу ички иштер органдарынын кызматкерлери жана ардагерлери!

Сиздерди Кыргыз милициясынын 98 жылдыгы–кесиптик майрамыңыздар менен Кыргыз Республикасынын Президентинин Жалал-Абад облусундагы ыйгарым укуктуу өкүлүнүн аппаратынын жана жеке өзүмдүн атымдан чын жүрөктөн куттуктайм!

Сиздер күн түн дебей өз милдетиңиздерди аткарып, кылмыштуулукка каршы күрөшүү, укук бузуулардын алдын алуу, коомдук коопсуздукту камсыздоого чоң салым кошуп келесиздер. 98 жыл аралыгында Кыргыз милициясы бир топ кыйынчылыктарды, өзгөрүүлөрдү басып өттү. Бул аралыкта тармактын өнүгүүсү менен кесипкөй адистердин катары калыңдады.

Бүгүнкү майрам кайраттуу, эр жүрөк, элдин сыймыгына татыктуу эр азаматтарыбыздын майрамы. Сиздердин ишиңиздердин аркасында гана Кыргызстан туруктуу, өнүккөн жана укуктук мамлекетке айланат. Эң татаал учурларда кыйынчылыктардын, тоскоолдуктардын алдында баш ийбей өз милдетиңерди татыктуу аткарып, муктаж болгон ар бир адамдан жардамыңарды аябайсыздар деп ишенем!

Мамлекет милиция кызматкерлерин жана алардын үй-бүлөлөрүн социалдык жактан коргоо багытында бир катар олуттуу кадамдарды жасап жатат. Бул аракет кызматкерлерге татыктуу шарт түзүү жана жумуштагы натыйжалуулукту жогорулатуу болуп саналат.

Кадырлуу ички иштер органдарынын кызматкерлери жана ардагерлери!

Сиздерге чын ден соолук, үй-бүлөңүздөргө бакубат жашоо, ишиңиздерге ийгиликтерди каалайм! Кесиптик майрамыңыздар кут болсун!

Абсаттар СЫРГАБАЕВ, Кыргыз Республикасынын Президентинин Жалал-Абад облусундагы ыйгарым укуктуу өкүлү