1,068 Бардыгы /

ЖАЛАЛ-АБАД. Кыргыз милициясынын түзүлгөндүгүнө 98 жыл толду. Аны менен катарлаш  Ала-Бука районун тургуну ИИОнун ардагери милициянын старшинасы Камалов Артык аксакал да 98 жаш кутман курагын белгилөөдө.

Жалал-Абад ОИИБдин басма сөз кызматы билдиргендей, милициянын түзүлгөн жылында туулуп, ИИИдо кызмат өтөп, 1982-жылы ардактуу эс алууга чыккан ардагерге райондук мамлекеттик администрациясынын башчысы аким Чаргынбаев Кайырбек Кабылбекович, Ала-Бука РИИБдин начальниги, милициянын полковниги Козукеев Азенбек Рахматуллаевич жана Ала-Бука районунун ардагерлер кеңешинин төрагасы, ардактуу эс алуудагы милициянын майору И. Стамалиев  барышып, ардагерге бекем ден соолук каалап  куттукташып, атаган белектерин тартуулашты. Ал эми 98 жашты белдеген ардагер формачан кесиптештерин көрүп чымырканып, кубанычы кучагына толуп, алакан жайып жергебизде дайыма тынчтык өкүм сүрүп, элибизде токчулук болушун каалап, келген конокторго ак батасын берди.