1,206 Бардыгы /

ЖАЛАЛ-АБАД. Бүгүн, 30-ноябрында К.Ш. Токтомаматов атындагы Эл аралык университеттин (ЭАУ, Жалал-Абад ш.) жыйындар залында 1-декабрь – СПИД менен күрөшүүнүн бүткүл дүйнөлүк күнүнө карата “Өзүңдү жана келечегиңди сактап кал!” аттуу коомдук иш-чара өткөрүлдү.

ЭАУнун кесиптик багыт берүү жана коомчулук менен байланыштар кызматы билдиргендей, иш-чаранын уюштуруучусу ЭАУнун Эл аралык медициналык колледжи. Иш-чарага Жалал-Абад областтык СПИДдин алдын алуу жана ага каршы күрөшүү борборунун дарыгери Н.М. Карыпбаев, Кыргызстандын Кызыл Ай коомунун Жалал-Абад областтык филиалынын адиси Ж.К. Сейитова чакырылды. Иш-чаранын жүрүшүндө тема боюнча лекция окулуп, бир катар фото-видео маалыматтар көрсөтүлдү, о.э. СПИДди жуктуруунун мүмкүн болгон учурлары боюнча сахналаштыруулар, викторина, санбюллетендер сынагы болуп, чакан концерт тартууланды.

“Аталган иш-чара мазмундуу жана кызыктуу болгонун белгилеп кетебиз. Иш-чараны өткөрүүдө жигердүү аракеттери үчүн ЭАУнун Эл аралык медициналык колледжине, СПИДдин алдын алуу жана ага каршы күрөшүү борборуна, Кызыл Ай коомуна терең ыраазычылык билдиребиз!”,- дейт ректораттан.