1,446 Бардыгы /

ЖАЛАЛ-АБАД. Бүгүн 8-декабрда Жалал-Абад ОИИБдин демилгеси менен шаардагы №5 Б.Осмонов атындагы мектеп гимназиясында «Зомбулуксуз жашоо» акциясынын алкагында «Менин үй-бүлөм» аталышындагы кароо-сынагы болуп өттү.

Жалал-Абад ОИИБдин басма сөз кызматы билдиргендей сынакка

Жалал-Абад шаарындагы18 мектептин окуучусу ата-энелери жана чоң ата, чоң энелери менен катышышты. Иш-чаранын жүрүшүндө Жалал-Абад ОИИБдин начальнигинин орун басары Нурбек Сыдыков, Жалал-Абад шаарынын вице-мэри Гүлбарчын Таштанбекова, Жалал-Абад шаардык билим берүү бөлүмүнүн башчысы Ырысбек Калчаев сөз сүйлөп, жалпы катышуучуларга ийгиликтерди каалашты.

Сынактын катышуучулары үй-бүлө мүчөлөрү менен бир команда болушуп, маданий, интеллектуалдык оюндар, спорт жаатында таймашышты. Жалпы көрсөткүчтө топтолгон упайлардын артыкчылыгы менен №9 Раатбек Санатбаев мектебинин атынан катышкан 65 жаштагы Алмазбек Матраимов аксакалдын командасы 1-орунду багындырды. 2-орунга №18 Манас 1000 орто мектеби, 3-орунга №2 К.Закиров мектебинин командасы татыктуу болду. Жеңүүчүлөргө жана жалпы катышуучуларга Жалал-Абад областынын ички иштер башкармалыгы тарабынан даярдалган баалуу белектер тапшырылды.

Кароо-сынактын соңунда жеңүүчү болгон Алмазбек Матраимов зордук-зомбулуктардын алдын алуу максатында өткөрүлгөн иш-чара мыкты болгондугун айтып, уюштуруучуларга терең ыраазычылык билдирип,  ак батасын берди.