1,122 Бардыгы /

ЖАЛАЛ-АБАД. Кечээ, 8-декабрда Жалал-Абад шаарындагы бир катар соода түйүндөрүнө рейд жүргүзүлдү.

Жалал-Абад шаардык мэриясынын маалымат борбору билдиргендей рейдге

шаардык мэриясынын алдындагы керек-жарак рыногу жана  кызмат көрсөтүү департаментинин, санитардык-эпидемиологиялык  көзөмөлдөө борборунун жана башка бир катар тиешелүү мекемелердин кызматкерлеринен турган коммиссиялык топ катышты. Алгач борбордук базардын ичиндеги тамак-аш, азык-түлүк саткан жайлардын санитардык абалы текшерилип, айрым үй шартында даярдалган азыктардын сакталуусу санитардык талаптарга жооп бербей турганы аныкталып, сатуучуларга эскертүүлөр берилди.

Ошондой эле “Метро плюс” кичи маркетинде  “Яшкина” кондитердик азыктарынын сактоо мөөнөтү өтүп кеткендиги аныкталып, сатуудан алып салынды.

Белгилей кетсек, тамак-аш коопсуздугу боюнча мындай текшерүүлөр алдыда улантылмакчы.