1,173 Бардыгы /

2023-жылдын жыл башынан ушул күнгө чейин облус аймагында 12 өрт кырсыгы катталып, өрттөн 2 жаран каза болгон. Мындан тышкары мештен чыккан ис газына уулануу боюнча 2 факты катталып, жалпы 7 адам жабыркап, анын 1 каза болгон.

Кыргызгидромет кызматынын билдирүүсүнө ылайык, жакынкы күндөрү катуу суук болушу күтүлүүдө. Катуу сууктун учурунда мештер, электр жылытуучу приборлору көп колдонулгандыктан өрт чыгып кетүү кооптуулугу жогорулайт.

КР ӨКМдин Жалал-Абад областы боюнча башкармалыгы от жагуу мезгилинде жогорудагыдай адам өлүмү менен коштолгон өрт кырсыктарын жана мештен чыккан ис газына ууланууларды алдын алуу максатында жарандарды күнүмдүк турмушта, от жагууда жана электр жылытуучу приборлорду колдонууда өрт коопсуздук эрежелерин сактап, мештерди жана жылытуучу электр приборлорун дайыма оң абалда кармап, мештердин морлорун тез-тез тазалап турууну, жылытуучу электр приборлорун коопсуз жайга орнотууну, жаш балдарды кароосуз калтырбоону эскертет.

Канатбек КАРАБЕКОВ, КР ӨКМдин Жалал-Абад областы боюнча башкармалыгынын улук офицери, майор