759 Бардыгы /

ЖАЛАЛ-АБАД. Кечээ, 10-январь күнү мэр аба ырайынын кескин төмөндөп жатышына байланыштуу жыйын өткөрүп, жетекчилерге тапшырмаларды берди. Жалал-Абад шаардык мэриясынын маалымат борбору билдиргендей, Жалал-Абад шаарынын мэри Эрнисбек Ормоков, шаардагы мекеме-ишканалардын жетекчилери менен жыйын өткөрдү. Анда өзгөчө кырдаалдар министрлигинин аба ырайынын кескин төмөндөшү боюнча берген эскертүүсүнө байланыштуу көрүлгөн чаралар талкууланды.
Шаар мэри Эрнисбек Ормоков унаалардын кыймылын үзгүлтүккө учуратпоо үчүн жолдорду кардан үзгүлтүксүз тазалоо жана кум, туздарды өз убагында себүү, шаарды электр энергиясы, газ, суу менен үзгүлтүксүз камсыздоо боюнча тийиштүү жетекчилерге тапшырмаларды берип, нөөмөттөрдү уюштуруу тапшырмасын берди.