1,059 Бардыгы /

ОШ. Министрлер кабинетинин төрагасы – президенттин администрациясынын жетекчиси Акылбек Жапаров Ош облусунун Араван районундагы цемент заводуна дагы баш бакты.

Аталган заводдун өндүрүштүк кубаттуулугу күнүнө 2500-3000 тоннаны түзөт. Ал толук бойдон автоматташтырылган. Андыктан, калдыксыз иштеп, 500дөн ашык адамды жумуш менен камсыз кылат. Өткөн жылдын октябрь айында ишкананын аймагында акиташ өндүрүүчү цех курулган. Ушул тапта анын өндүрүштүк кубаттуулугу күнүнө 300 тоннаны түзөт. Цех 50 адамды иш менен камсыздайт.

 – Продукцияны сатуунун жаңы рынокторун өздөштүрүү үчүн жаңы талаптарды эске алуу менен заводдун технологиялык жабдууларын өркүндөтүү чоң мааниге ээ. Бул маселеге өзгөчө көңүл буруу керек! – деди Министрлер кабинетинин төрагасы Акылбек Жапаров.

Сапарынын соңунда Өкмөт башчысы Акылбек Жапаров мындай ишканалар Ош облусунун гана эмес, жалпы эле өлкө экономикасынын динамикалуу өнүгүшү үчүн дагы абдан зарыл экендигин баса белгиледи.

Алишер ТОКСОНБАЕВ, өз кабарчы