714 Бардыгы /

          ОШ. Министрлер кабинетинин төрагасы – президенттин администрациясынын жетекчиси Акылбек Жапаров Ош облусуна жасаган жумушчу сапарынын алкагында Ош шаарын өнүктүрүү долбоору менен жеринде таанышты.

Кыргызстандын Түштүк башкалаасын өнүктүрүү долбоорунун жүрүшүндө долбоор туруктуу транспорттук инфратүзүмдү, мунун ичинде жер үстүндөгү жөө жүргүнчүлөр өтүүчү өтмөктөрдү, сапаттуу, коопсуз жана жеткиликтүү турак жайга, ошондой эле ичүүчү таза сууга жалпы жеткиликтүүлүктү камсыздап, экологиялык жактан туруктуу урбанизациянын масштабын жана калктуу конуштарды комплекстүү жана туруктуу пландаштыруу жана аларды башкаруу мүмкүнчүлүктөрүн кеңейте тургандыгы дагы баса белгиленди.  Министрлер Кабинетинин башчысы Ош шаарын өнүктүрүү долбоорунун негизги максаты аталган шаарда ыңгайлуу чөйрөнү түзүү жана шаардыктардын жашоо сапатын жогорулатуу болушу керектигин дагы баса белгиледи.

• Туура жүргүзүлгөн мамлекеттик саясат аркылуу 2022-жылдын

жыйынтыгы боюнча биз ЕврАзия экономикалык биримдик өлкөлөрүнүн арасында эмгек акыны жогорулатуу, салыктарды чогултуу жана ИДПнын көлөмү боюнча алдыңкы орунга чыктык. Быйыл өлкө экономикасына 20 миллиард сомдон 50 миллиард сомго чейин каражат салууну пландап жатабыз. Эгерде сиздерде адамдарга ыңгайлуу жашоо шарттарын түзүү жана жаңы жумуш орундарын түзүүгө жардам бере турган реалдуу долбоорлор болсо, биз мындай долбоорлорду жүзъгъ ашырууга каржылык колдоо көрсөтүүгө даярбыз. Бишкек жана Ош шаарлары «акыркы вагондо» отурбашы керек. Алар өз аймактарын өнүктүрүүдө кыймылдаткыч күч болушу кажет! – деп баса белгиледи Акылбек Жапаров.

          Соңунда Министрлер кабинетинин төрагасы – президенттин администрациясынын жетекчиси Акылбек Жапаров жарандардын жашоосун жакшыртууга багытталган Ош шаарынын бийлигинин бардык долбоорлоруна колдоо көрсөтүүгө даяр экендигин дагы катуу убадалады.

Алишер ТОКСОНБАЕВ, өз кабарчы