960 Бардыгы /

2023-жылдын 26-27-январь күндөрү Кыргыз Республикасына Өзбекстандын президенти Шавкат Мирзиеев мамлекеттик иш сапары менен келээрине байланыштуу, кошуна өлкөнүн делегацияларын тосуп алуу жана коштоп жүрүү учурларында Чүй облусунун айрым жолдору жана Бишкек шаарынын көчөлөрүндө төмөнкү көчөлөргө маал-маалы менен чектөөлөр киргизилип турат. 

ИИМдин ЖКККББнын басма сөз кызматы билдиргендей, Бишкек шаарынын Манас аэропортунан баштап, Бишкек шаарынын чегине чейин; 

– Фучик көчөсү менен Чүй проспектисине чейин;  

– Чүй проспектиси менен Фучик көчөсүнөн, Манас проспектисине чейин;  

– Манас жана Ч. Айтматов проспектилери менен Чүй проспектинен тартып, Мамлекеттик резиденциясияга чейин;

– Мамлекеттик резиденциядан  Дооронбек Садырбаев көчөсү менен Ата-Бейит мемориалдык комплексине чейин убактылуу чектөлөр киргизилет. 

“Урматтуу  шаар тургундары жана коноктору жогорудагы мамлекеттик маанидеги иш-чараларды өткөрүү учурунда, жогорудагы  убактылуу чектөөлөрдү эске алып, маршруттук каттамдарды алдын ала пландап, түшүнүү менен кабыл алууга чакырабыз.Ошондой эле  жогорудагы чектөөлөр киргизилген көчөлөргө авто унаа каражаттарын токтотпоону, жол кыймылынын эрежелерин бузуп, карама-каршы тилкеге чыкпоону өтүнөбүз”,-дейт маалыматта.