828 Бардыгы /

          ОШ. Ош облусунун Өзгөн районуна караштуу Жылалды айылында 75 орундуу «Саадат эне» аттуу бала бакчасы пайдаланууга тапшырылды. Бул туурасында Президенттин Ош облусундагы ыйгарым укуктуу Өкүлүнүн биринчи орун басары Данияр Жаныкулов билдирди.

          Маалыматка караганда, аталган иш-чарага Президенттин Ош облусундагы ыйгарым укуктуу Өкүлү Зиядин Жамалдинов, Өзгөн райондук мамлекеттик администрациясынын башчысы Шабдан Абыкаев жана жергиликтүү тургундар катышышты.

          Айтмакчы, Өзгөн районундагы «Саадат эне» балдар бакчасында ушул тапта 55 бөбөк тарбияланууда. Бала бакчанын курулушунун жалпы наркы 30 миллион сомду түзүп, ал республикалык бюджеттин эсебинен каржыланды.

Алишер ТОКСОНБАЕВ, өз кабарчы